روونکردنه‌وه‌یه‌ک له‌سه‌ر چۆنیه‌تی هه‌ڵبژاردنی باشترینه‌کانی ئه‌ورووپا

شوێنی به‌ڕێوه‌چوونی ده‌نگدانه‌که‌ له‌ مۆناکۆ

شوێنی به‌ڕێوه‌چوونی ده‌نگدانه‌که‌ له‌ مۆناکۆ

یاریگا-له‌گه‌ڵ  راگه‌یاندنی هه‌ر براوه‌یه‌ک یاخود کاندیدێک بۆ خه‌ڵاتێکی تاکه‌که‌سی ، هه‌میشه‌ بۆچوونێکی دژ هه‌یه‌ به‌رامبه‌ر به‌ هه‌ڵبژاردنه‌کان .  ئه‌مڕۆ دواین سێ کاندید بۆ خه‌ڵاتی باشترین یاریزانی ئه‌ورووپا راگه‌یه‌ندران و ناوی لیۆ مێسی تێدانه‌بوو.

هه‌میشه‌ دوای راگه‌یاندنی ئه‌نجامه‌کان ئه‌و پرسیاره‌ هه‌ڵده‌دات که‌ ئایا له‌سه‌ر چ پێوه‌رێک  یاریزانه‌کان دیارده‌کرێن ؟  له‌ راستیدا ئه‌مه‌ هه‌ڵبژاردنێک نیه‌ له‌سه‌ر پێوه‌رێکی دیاریکراو ده‌نگ بدرێت به‌ڵکو ئه‌و ٥٥ وڵاته‌ی ئه‌ندام له‌ یوفا هه‌ریه‌که‌یان رۆژنامه‌نووسێک دیاری ده‌کات و هه‌ر رۆژنامه‌نووسه‌ و  به‌ پێوه‌ری خۆی ده‌نگ ده‌دات.

  • بۆ تۆپی پێی پیاوان ٥٤ رۆژنامه‌نووس مافی ده‌نگدانیان هه‌بوو ئه‌مساڵ ، بۆ ئافره‌تانیش ٢٠ رۆژنامه‌نووس
  • هه‌ر رۆژنامه‌نووسێک  ناوی پێنج یاریزان ده‌نووسێت. ئه‌وه‌ی له‌ پله‌ی یه‌که‌مدا نوسرابێت   پێنج خاڵ وه‌رده‌گرێت ، دووهه‌م چوار خاڵ و سێهه‌م سێ خاڵ و به‌و جۆره‌
  • ئه‌و سێ یاریزانه‌ی زۆرترین خاڵ کۆده‌که‌نه‌وه‌ هه‌ڵده‌بژیردرێن بۆ قۆناغی داهاتووی ده‌نگه‌کان ( ئه‌مڕۆ راگه‌یه‌ندران)
  • جارێکی دیکه‌ هه‌ڵبژاردن ده‌کرێته‌وه‌ له‌ نیوان ئه‌و سێ یاریزانه‌دا.  براوه‌یان له‌ ٢٥ی ئه‌م مانگه‌دا راده‌گه‌یه‌ندرێت هاوکات له‌گه‌ڵ راکێشانی تیروپشکی قۆناغی کۆمه‌ڵه‌کانی چامپیۆنزلیگ.
شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا

Leave A Reply