فه‌رمی: پاریس سانجێرمان له‌باره‌ی پێكانه‌كه‌ی مباپێ ناخۆشترین هه‌واڵی راگه‌یاند

پاریس سانجێرمان رادده‌ی پێكانه‌كه‌ی كیلیان مباپێی ئاشكراكرد و ناخۆشترین هه‌واڵی بۆ هانده‌رانی یانه‌كه‌ راگه‌یاند.

یانه‌ی پاریس سانجێرمانی فه‌ره‌نسی رایگه‌یاندووه‌، مباپێ به‌هۆی ئه‌و پێكانه‌ی رۆژی 24ی ئه‌م مانگه‌ تووشی بوو، بۆ ماوه‌ی سێ هه‌فته‌ له‌ یاریكردن داده‌برێت، به‌مه‌ش پێشبینی ده‌كرێت نه‌توانێت له‌ یاریی رۆژی 12ی مانگی داهاتوو له‌ چاره‌كی كۆتایی چامپیۆنزلیگ به‌رامبه‌ر ئاتاڵانتا یاریی بكات، جگه‌ له‌م یارییه‌ش رۆژی 31ی ئه‌م مانگه‌ ناتوانێت له‌ یاریی كۆتایی جامی خولی فه‌ره‌نسی به‌رامبه‌ر لیۆن یاریی بكات.

مباپێ له‌ یاریی كۆتایی جامی فه‌ره‌نسا له‌ خوله‌كی 32 له‌ ئه‌ژنۆی راستی تووشی پێكانێكی سه‌خت بوو یارییه‌كه‌ی پێ ته‌واو نه‌كرا، پشكنینه‌كانی ئه‌مڕۆ دووشه‌ممه‌ ده‌ره‌نجامی پێكانه‌كه‌یان ده‌ستنیشانكرا.

بابه‌تی هاوشێوه‌

Back to top button
Close