سوارێز: له‌به‌ر ئه‌م هۆكاره‌ نازناوی لالیگامان له‌ده‌ست دا

سوارێز: پێویست ناكات ڤار بكه‌ینه‌ بیانوو

لویس سوارێز له‌ دیمانه‌یه‌كی له‌گه‌ڵ رۆژنامه‌ی سپۆرت كه‌ ئه‌مڕۆ چوارشه‌ممه‌ بڵاو ده‌بێته‌وه‌ په‌رده‌ له‌سه‌ر دۆخی بارسێلۆنا له‌م وه‌رزه‌ی لالیگا هه‌ڵده‌داته‌وه‌ و ده‌ڵێت ‘له‌به‌ر گۆڵه‌كه‌ی ئاسپاس نازناوی ئه‌م وه‌رزه‌مان له‌ده‌ست دا.

لویس سوارێز: بردنه‌وه‌كه‌ی ریال مه‌درید له‌ دژی گرانادا لێدانێكی كوشنده‌ بوو بۆ ئێمه‌، با راستگۆ بم له‌گه‌ڵتان به‌ده‌ستهێنانی نازناوی لالیگا بۆ ئێمه‌ ئه‌سته‌م بووه‌’.

لویس سوارێز: یارییه‌كه‌ی سێڤییا وایكرد هاوكێشه‌ی به‌ده‌ستهێنانی نازناوی لالیگا بۆ ئێمه‌ ئاڵۆز بێت، ئێمه‌ به‌رامبه‌ر ئاتلێتیكۆ مه‌درید باش بووین، به‌ڵام گۆڵه‌كه‌ی ئاسپاس له‌ یاریی سێلتاڤیگۆ هه‌موو شتێكی له‌ ئێمه‌ تێكدا و نازناوی لالیگا بۆ ریال مه‌درید به‌ رێژه‌یه‌كی زۆر یه‌كلابووه‌ته‌وه‌.

لویس سوارێز: پێویست ناكات ئێمه‌ ڤار بكه‌ینه‌ بیانوو یان به‌دوای دۆزینه‌وه‌ی بیانوو بگه‌ڕێین، ئێمه‌ به‌هۆی ڤار نازناوی لالیگامان له‌ده‌ست نه‌دا، ئێمه‌ خۆمان نازناوه‌كه‌مان پێشكه‌شی ریال مه‌درید كرد، پێویسته‌ ره‌خنه‌ له‌خۆمان بگرین.

لویس سوارێز: پێویسته‌ له‌پێناوی گه‌ڕانه‌وه‌ی شكۆ بۆ بارسێلۆنا هه‌وڵ بده‌ین له‌ چامپیۆنزلیگ ئه‌نجامێكی باش به‌ده‌ست بهێنین.

لویس سوارێز: لاوتارۆ مارتینێز یاریزانێكی گه‌وره‌یه‌، زه‌حمه‌ته‌ بتوانیت له‌ ئارجێنتینا بچیته‌ ئیتاڵیا و له‌ سێریا ئه‌ی كه‌ خولێكی سه‌خته‌ ئاستێكی به‌رز پێشكه‌ش بكه‌ی، ئه‌گه‌ر لاوتارۆ بێته‌ بارسێلۆنا هاوكاریی ده‌كه‌ین بۆ ئه‌وه‌ی سه‌ركه‌وتوو بێت.

بابه‌تی هاوشێوه‌

Back to top button
Close