هانده‌ران ده‌گه‌ڕێنه‌وه‌ یاریگاكان!

دوایی ئه‌وه‌ی كۆرۆنا ته‌واوی جیهانی ته‌نی، زیانی زۆری له‌ تۆپی پێی و یانه‌كان دا، به‌ڵام به‌رپرسێكی باڵای فیدراسیۆنی تۆپی پێ ده‌ڵێت هانده‌ران ده‌گه‌ڕێنه‌وه‌ یاریگاكان.

ئه‌لیكسه‌نده‌ر جێڤرینی سه‌رۆكی فیدراسیۆنی تۆپی پێی ئه‌وروپا(یوفا)، بۆ رۆژنامه‌ی گاردیانی به‌ریتانی قسه‌ی كردووه‌ و گوتویه‌تی:”باردۆخه‌كه‌ مه‌ترسیداره‌ و ده‌بێت هه‌ستیاربین، دڵنیام به‌م نزیكا هانده‌ران ده‌گه‌ڕێنه‌وه‌ یاریگاكان، به‌ڵام ئێمه‌‌ چاوه‌روانی شه‌پۆلی دووه‌م و سێیه‌می كۆرۆنا تاوه‌كو پێنجه‌م ده‌كه‌ین، دوایی جه‌نگی جیهانی یه‌كه‌م و دووه‌م، بۆ یه‌كه‌م جاره‌ كێشه‌یه‌كی له‌م شێوه‌یه‌ هه‌بێت كه‌‌ كاریگه‌ری له‌سه‌ر تۆپی پێت درووست بكات”.

سه‌رۆكی گه‌ره‌ترین دامه‌زاره‌وه‌ی تۆپی پێ له‌ ئه‌وروپا، له‌ به‌رده‌وامی قسه‌كانی ئاماژه‌ی به‌وه‌داوه‌، كه‌ ئه‌وان به‌رده‌وامن له‌ چاودێریكردنی بارودۆخه‌كه‌، به‌جۆرێك ده‌یانه‌وێت رێگا چاره‌یه‌كی گونجاو بۆ پاڵه‌وانه‌تیه‌كان ببینه‌وه‌ و هانده‌ران به‌ یاریگاكان شاد بكه‌نه‌وه‌.

بابه‌تی هاوشێوه‌

Back to top button
Close