ئاریۆلا له‌سه‌ر ئه‌م وێنه‌یه‌ی روونكردنه‌وه‌ ده‌دات

داوای لێبوردن له‌ هانده‌رانی ریال مه‌درید ده‌كات

ئاریۆلا له‌سه‌ر وێنه‌یه‌كی له‌ دوای یاریی پاریس سانجێرمان و ریال مه‌درید روونكردنه‌وه‌ ده‌دات و داوای لێبوردن له‌ هانده‌رانی یانه‌كه‌ی ده‌كات، كه‌ مێرێنگی به‌ سێ گۆڵی بێبه‌رامبه‌ر به‌ پاریس سانجێرمان دۆڕا.

ئه‌لفۆنس ئاریۆلای گۆڵپارێزی ئێستای ریال مه‌درید و پێشووی پاریس سانجێرمان كه‌ به‌ خواستن بۆ ماوه‌ی وه‌رزێك په‌یوه‌ندی به‌ ریال كردووه‌، دوای یارییه‌كه‌ی ریال و پاریس وێنه‌یه‌كی له‌ تۆڕه‌ كۆمه‌ڵایه‌تییه‌كان بڵاو بووه‌وه‌، ئاریۆلا له‌گه‌ڵ مباپێ و مۆتینگ سێلفییه‌ك ده‌گرێت و پێده‌كه‌نێت، ئه‌م وێنه‌یه‌ هانده‌رانی ریال مه‌درید تووڕه‌ كرد و له‌ سۆشیال میدیا به‌ تووندی هێرشیان كرده‌ سه‌ری.

ئاریۆلا ناچار بوو له‌ هه‌ژماری خۆی له‌ ئینستاگرام روونكردنه‌وه‌ بدات و نووسیویه‌تی ‘وه‌كو سه‌رجه‌م ئه‌ندامه‌كانی دیكه‌ی ریال مه‌درید به‌ دۆڕانه‌كه‌مان دڵته‌نگ بووم، من له‌و رۆژه‌وه‌ی گرێبه‌ستم له‌گه‌ڵ ریال مه‌درید واژووكردووه‌ بوومه‌ته‌ یاریزانی یانه‌كه‌ دڵم بووه‌ته‌ مه‌دریدی، به‌ڵام دڵته‌نگم به‌و قسانه‌ی له‌ تۆڕه‌ كۆمه‌ڵایه‌تییه‌كان له‌باره‌ی منه‌وه‌ ده‌كرێن’.

هه‌روه‌ها گۆڵپارێزه‌ نوێیه‌كه‌ی ریال مه‌درید نووسیویه‌تی ‘له‌به‌ر ئه‌وه‌ی دوای رۆیشتنم ده‌رفه‌تی ماڵئاوایی كردن نه‌بوو، دوای یارییه‌كه‌مان چوومه‌ لای هاوڕێیه‌كانم و قسه‌م له‌گه‌ڵ كردن، داوای لێبوردن له‌ هانده‌رانی ریال مه‌درید ده‌كه‌م ئه‌گه‌ر به‌هۆی ئه‌م وێنه‌یه‌وه‌ هه‌ستیان به‌ سووكاتی كردبێت’.

View this post on Instagram

Querida afición del Real Madrid: me siento muy triste por algunos comentarios a una foto que circula en las redes sociales. Quiero que todos los madridistas sepan que mi corazón es blanco desde que fiché por este club y no puedo soportar la menor duda sobre mi motivación, mi lealtad y mi implicación por el Real Madrid, nuestro Madrid. La derrota de ayer me ha afectado al igual que a todos los que formamos esta gran familia. Tras el partido tuve un reencuentro con mis ex compañeros y amigos, a quienes no me había dado tiempo de despedirme. Por eso, reitero mis disculpas a los madridistas que se hayan sentido ofendidos, no era mi deseo y espero que todos juntos podamos lograr muchos éxitos Hala Madrid!! @realmadrid #halamadrid

A post shared by Alphonse Areola (@areolaofficiel) on

Show More

بابه‌تی هاوشێوه‌

Back to top button
Close