بكوژی ریال مه‌درید نزیكه‌ له‌وه‌ی ببێته‌ ڕاهێنه‌ری بارسێلۆنا

 

دوای كۆتایی هاتنی یارییه‌كانی گه‌ڕی یه‌كه‌می چامپیۆنزلیگ، رۆژنامه‌ی لێ تێن سپۆرتس بڵاوی كردۆته‌وه‌ تۆماس تۆخێل نزیكه‌ له‌وه‌ی جێگای ڤالڤێردی بگرێته‌وه‌

ماڵپه‌ری لی تێن سپۆرتسی فڕه‌نسی بڵاوی كردۆته‌وه‌ ڕاهێنه‌ری ئێستای یانه‌ی پاریس سانجێرمان تۆماس تۆخێلی ئه‌ڵمانی نزیكه‌ له‌وه‌ی ببێته‌ ڕاهێنه‌ری بارسێلۆنا له‌ ئه‌گه‌ری دوورخستنه‌وه‌ی ئیرنستۆ ڤالڤێردی ڕاهێنه‌ری ئێستای یانه‌كه‌، تۆماس تۆخێل دوێنێ شه‌و توانی له‌گه‌ڵ پاریس سانجێرمان به‌ سێ گۆڵی بێ به‌رانبه‌ر له‌ یانه‌ی ریال مه‌درید بباته‌وه‌ له‌ گه‌ڕی یه‌كه‌می یارییه‌كانی وه‌رزی نوێی چامپیۆنزلیگ

پێش ده‌ستپێكی وه‌رزی نوێی ده‌نگۆی زۆر هه‌بوو ده‌رباره‌ی دوورخستنه‌وه‌ی ڤالڤێردی له‌ ڕاهێنه‌رایه‌تی یانه‌كه‌، به‌ڵام دواتر بڕیاردرا ڤالڤێردی له‌ كاره‌كه‌ی به‌رده‌وام بێت تا كۆتایی هاتنی گرێبه‌سته‌كه‌ی كه‌ ماوه‌ی ساڵێك ماوه‌

له‌ كۆتایی ئه‌م وه‌رزه‌ كۆتایی به‌ گرێبه‌ستی ڤالڤێردی دێت له‌گه‌ڵ بارسێلۆنا، ڕه‌نگه‌ له‌ ئه‌گه‌ری به‌ده‌ست نه‌هێنانی چامپیۆنزلیگی ئه‌م وه‌رزه‌ ئه‌و ڕاهێنه‌ره‌ له‌ ڕاهێنه‌رایه‌تی بارسێلۆنا دوور بخرێته‌وه‌

Show More

بابه‌تی هاوشێوه‌

Back to top button
Close