كریستیانۆ رۆناڵدۆ: پێویسته‌ دوو بالۆن دۆری دیكه‌ به‌ده‌ست بهێنم بۆ ئه‌وه‌ی مێسی تێبپه‌ڕێنم

كریستیانۆ رۆناڵدۆ: خۆم به‌ باشترین یاریزانی مێژووی تۆپی پێ ده‌زانم

كریستیانۆ رۆناڵدۆ له‌ دیمانه‌یه‌كی له‌گه‌ڵ كه‌ناڵێكی به‌ریتانی ده‌ڵێت ‘پێویسته‌ دوو بالۆن دۆری دیكه‌ به‌ده‌ست بهێنم بۆ ئه‌وه‌ی به‌په‌ش مێسی بكه‌ومه‌وه‌ و پێشیوایه‌ باشترین یاریزانی مێژووی تۆپی پێیه‌.

كریستیانۆ رۆناڵدۆ له‌ دیمانه‌یه‌كی له‌گه‌ڵ پیێرس مۆرگانی رۆژنامه‌نووسی به‌ناوبانگی به‌ریتانی له‌ كه‌ناڵی iTVی به‌ریتانی باسی چه‌ند لایه‌نێكی ژیانی ده‌كات و و له‌كۆتاییش پیێرس مۆرگان كه‌ یه‌كێكه‌ له‌ هانده‌ره‌ سه‌رسه‌خته‌كانی ئارسێناڵ درێسێكی ئارسێناڵی به‌ناوی خۆیه‌وه‌ پێده‌دات. (یاریگا سپۆرت) ته‌واوی دیمانه‌كه‌ ده‌كاته‌وه‌ كوردی.

كریستیانۆ رۆناڵدۆ: لیۆنێل مێسی باشترین ركابه‌رمه‌ له‌ ژیانمدا رووبه‌ڕووم بوو بێته‌وه‌، ده‌مه‌وێت زۆرترین خه‌ڵاتی بالۆن دۆر به‌ده‌ست بهێنم، پێموایه‌ پێویسته‌ دوو بالۆن دۆری دیكه‌ به‌ده‌ست بهێنم بۆ ئه‌وه‌ی به‌پێش مێسی بكه‌وم، په‌یوه‌ندیم له‌گه‌ڵ مێسی باشتره‌ و هه‌ردووكمان هانی یه‌كتری ده‌ده‌ین.

كریستیانۆ رۆناڵدۆ: جوانترین گۆڵی خۆم ئه‌و گۆڵه‌ بوو كه‌ به‌رامبه‌ر یۆڤێنتۆس تۆمارم كرد، جوانترین گۆڵی كاروانی وه‌رزشیم بوو، چه‌ندان جار هه‌وڵم دا به‌ڵام سه‌ركه‌وتوو نه‌ده‌بووم، پێموایه‌ ئه‌و گۆڵه‌ جوانترین گۆڵه‌ له‌ ژیانمدا بینیبێتم، ئه‌گه‌ر یاریزانێكی دیكه‌ش تۆماری كردبا هه‌ر هه‌مان رام ده‌بوو.

كریستیانۆ رۆناڵدۆ: جۆرجینا رۆدریگێز گه‌وره‌ترین خۆشه‌ویستی ژیانی منه‌، رۆژێك له‌ رۆژان هاوسه‌رگیری له‌گه‌ڵ ده‌كه‌م.

كریستیانۆ رۆناڵدۆ: دایكم له‌ یارییه‌ گه‌وره‌ و گرنگه‌كان زۆر سترێس ده‌بێت و ده‌شله‌ژێت، چه‌ندان جار به‌مهۆیه‌وه‌ باری ته‌ندروستی تێكچووه‌، بۆیه‌ ئێستا ناهێڵم سه‌یری یارییه‌ گرنگ و گه‌وره‌كان بكات.

كریستیانۆ رۆناڵدۆ: هیچ وشه‌یه‌كم نییه‌ بۆ ئه‌وه‌ی باسی باوكمی پێبكه‌م، دڵته‌نگم ئێستا له‌ ژیاندا نه‌ماوه‌ بۆ ئه‌وه‌ی سه‌ركه‌وتنه‌كانم ببینێت، ده‌مه‌وێت ببمه‌ باوكێكی باش و پێموایه‌ باوكێكی باشیشم.

كریستیانۆ رۆناڵدۆ: حه‌ز ده‌كه‌م وه‌كو یه‌كێك له‌ باشترین یاریزانه‌كانی جیهان له‌یادی خه‌ڵك بمێنمه‌وه‌، ده‌زانم یه‌كێكم له‌ باشترین یاریزانه‌كانی مێژووی تۆپی پێ، پێموایه‌ من ژماره‌ یه‌كم و ناشزانم كێ ژماره‌ دووه‌.

كریستیانۆ رۆناڵدۆ: من به‌دوای شكاندنی ریكۆرده‌كان ناكه‌وم، به‌ڵكو ئه‌وه‌ ریكۆرده‌كانن به‌دوای من ده‌كه‌ون.

كریستیانۆ رۆناڵدۆ: زۆر نزیكبووم په‌یوه‌ندی به‌ ریزه‌كانی ئارسێناڵه‌وه‌ بكه‌م، ته‌نیا هه‌نگاوێك دوور بووم، به‌ڵام له‌كۆتایی رووی نه‌دا.

 

 

Show More

بابه‌تی هاوشێوه‌

Back to top button
Close