كریستیانۆ رۆناڵدۆ یان مێسی كامیان باشترن؟ توێژینهوهیهكی زانستی وهڵام دهداتهوه
زانكۆیهكهی بهلجیكی توێژینهوهیهكی لهسهر ئامارهكانی كریستیانۆ رۆناڵدۆ و لیۆنێل مێسی كردووه بۆ ئهوهی بهراوردی ئاستیان بكات و وهڵامی ئهو پرسیاره بداتهوه كه كهم ههس خۆی بتوانێت وهڵام بداتهوه.
رۆژنامهی ئاسی ئیسپانی ئاشكرایكردووه، زانكی لۆفانی بهلجیكی به هاوكاریی كۆمپانیای سای سپۆرتسی هۆڵهندی به پشتبهستن به ئامار و وردهكارییهكانی ههردوو یاریزانهكه توێژینهوهی لهسهر ئاستی كریستیانۆ و مێسی كردووه.
جیسی دهیڤس، مامۆستای زانكۆی لۆفان لهبارهی توێژینهوهكهیان دهڵێت ‘ههمیشه نرخی یاریزان بهگوێرهی ژمارهی گۆڵ و ئهسیستهكانی دیاریی دهكرێت، بهڵام گۆڵكردن كارێكی دهگمهنه، یاریزانان 1600 كاری دیكهیان ههیه لهناو یاریگا دهیكهن، بۆ نموونه پاس و شووت و بڕینی یاریزانان، ئێمه له توێژینهوهكهمان ههموو ئهوانهمان ههژماركردووه بۆ ئهوهی دیاریی بكهین كامیان بۆ یانهكهیان بهسوودتره’.
توێژینهوهكه ئامارهكانی ههردوو یاریزانهكهی له لالیگا له وهرزی 2013/14 تاكو 2017/18 وهرگرتووه، بهبێ ئهوهی هیچ ئامارێكی ههردوو یاریزان له چامپیۆنزلیگ و جامی شای ئیسپانیا و یارییه نێودهوڵهتییهكان حیساب بكات، بهپێی توێژینهوهكه دهركهوتووه مێسی زۆر له كریستیانۆ یهكلاكهرهوهتر و باشتره، مێسی نمرهی 1,21ی بهدهستهێناوه، كهچی كریستیانۆ 0,61ی بهدهستهێناوه.
بهگوێرهی توێژینهوهكه، تاكو ساڵی 2015 ههردوو یاریزان ئاستیان لێك نزیكبووه، بهڵام دوای ساڵی 2015 مێسی زۆر له كریستیانۆ یهكلاكهرهوهتر بووه.