میدێل به‌رگری له‌ مێسی ده‌كات و ره‌خنه‌ له‌ بڕیاره‌كه‌ی ناوبژیوان ده‌گرێت

له‌ یاریی به‌رامبه‌ر بڕازیلیش زوڵمیان له‌ مێسی و هاوڕێیه‌كانی كرد

گاری میدێلی یاریزانی چیلی به‌رگری له‌ مێسی ده‌كات و پێیوایه‌ ناوبژیوان زوڵمی لێكرد به‌ كارتی سوور له‌ یارییه‌كه‌ی چیلی و ئارجێنتینا كردییه‌ ده‌ره‌وه‌.

گاری میدێلی ناوه‌ڕاستكاری چیلی كه‌ له‌ خوله‌كی 37 له‌گه‌ڵ مێسی به‌یه‌كدا چوون و ناوبژیوانی یارییه‌كه‌ یه‌كسه‌ر هه‌ردووكیانی به‌ كارتی سوور كرده‌ ده‌ره‌وه‌، له‌باره‌ی كارته‌ سووره‌كه‌وه‌ گوتی ‘ناوبژیوانی یارییه‌كه‌ زۆر به‌ خراپی مامه‌ڵه‌ی كرد و زوڵمی له‌ مێسی كرد، ده‌بوا ته‌نیا كارتی زه‌ردی به‌ڕووی من و مێسی به‌رزكردباوه‌، به‌ڵام هه‌ڵه‌یه‌كی گه‌وره‌ی كرد به‌ كردنه‌ ده‌ره‌وه‌ی هه‌ردووكمان’.

هه‌روه‌ها میدێل ده‌شڵێت ‘ناوبژیوان له‌ یاریی بڕازیل و ئارجێنتینا زوڵمی له‌ ئارجێنتینا كرد، ئه‌مه‌ش كاریگه‌رییه‌كی زۆری به‌سه‌ر هه‌ڵبژارده‌كه‌ بوو، مێسیش مافی خۆی بوو بۆ وه‌رگرتنی مێدالیای پله‌ی سێیه‌م ئاماده‌ نه‌بێت، چونكه‌ زوڵمیان لێكرد’.

بابه‌تی هاوشێوه‌

Back to top button
Close