گواردیۆلا تێر نازناو نابێت له‌ ئێستاوه‌ پلانی بۆ كڕینی چوار ئه‌ستێره‌ داناوه‌

پیپ گواردیۆلای راهێنه‌ری مانچێسته‌ر سیتی، بۆ هاوینی داهاتوو بری 200 ملیۆن پاوه‌ندی ئاماده‌ كردووه‌ تا ئه‌و بۆشایانه‌ی له‌ تیپه‌كه‌ی هه‌بووه‌ پڕیانبكاته‌وه‌، له‌ كاتێكدا ئه‌وه‌ دووه‌م  وه‌رزه‌ نازناوی پرێمه‌رلیگ ده‌باته‌وه‌.

رۆژنامه‌ی ده‌یلی مێل ئه‌مڕۆ سێشه‌مه‌ بڵاویكردۆته‌وه‌،كه‌ پیپ ده‌یه‌وێت چوار یاریزان بۆ ریزه‌كانی به‌رگری و ناوه‌ڕاست و هێرشبه‌ر بگوازێته‌وه‌، ئه‌م یاریزانانه‌ش ئه‌مانه‌ن، رۆدری له‌ هێڵی ناوه‌ڕاست له‌ ئاتلێتیكۆ مه‌درید یاریی ده‌كات، نرخی هه‌ڵوه‌شاندنه‌وه‌ی گرێبسه‌ته‌كه‌ی 60 ملیۆن یۆرۆیه‌، كه‌ بۆ شوێنگره‌وه‌ی فێرناندینهۆ دیاریی كراوه‌، كه‌ به‌هۆی گه‌وره‌بوونی ته‌مه‌نی ناتوانێ داواكارییه‌كانی پیپ جێبه‌جێ بكات.

دوو یاریزانی بۆ به‌رگری دیاریی كردوو هه‌ردووكیان له‌ لێسته‌رسیتی یاریی ده‌كه‌ن، كه‌  چێلوێل و ماگوایه‌رن، بۆ هێرشبه‌ریش چاوی له‌سه‌ر لۆكا یۆڤیچی سڕبی ، یاریزانی فرانكفۆرت و جواو فلیپسه‌ هێرشبه‌ری بێنفیكایه‌، به‌ڵام یۆڤیچ ئه‌سته‌مه‌، چونكه‌ ریال مه‌درید به‌هه‌موو هێزی خۆی له‌دوایه‌تی.

 

 

Show More

بابه‌تی هاوشێوه‌

Back to top button
Close