یاریگای لیڤه‌رپوول بۆته‌ جه‌هه‌نه‌می ئه‌ڵمانییه‌كان

لیڤه‌رپوول له‌ یاریگای ئانفێلد میوانداری بایرن میونشنی ئه‌ڵمانی ده‌كات، له‌ مێژووی ئاماره‌كانی لیڤه‌ر هه‌رگیز له‌ یاریگای خۆی به‌ یانه‌ ئه‌ڵمانیه‌كان نه‌دؤڕاوه‌، ئه‌گه‌ڕ ئه‌مڕۆش نه‌دۆڕێت، ده‌بێته‌ 20 یاریی، ئه‌م یاریگایه‌ بۆته‌ جه‌هه‌نه‌می ئه‌ڵمانییه‌كان.

لیڤه‌رپوول له‌ 19 یاریی 16 یاریی بردۆته‌وه‌، ته‌نها سێ یاریی یه‌كیسان بووه‌، وه‌ 13 یاریی تۆری گۆڵه‌كه‌ی به‌ خاوێنی راگرتووه‌، به‌گشتی لیڤه‌ر پوول 42 یاریی دژی یانه‌ ئه‌ڵمانییه‌كان كردووه‌، 21 یاریی بردۆته‌وه‌ و 14 یاریی یه‌كسان بووه‌ و 7 یارییشی دۆڕاندووه‌.

ئه‌مه‌ پێنجه‌م رووبه‌ڕووبوونه‌وه‌ی بایرن و لیڤه‌رپووله‌، له‌وه‌ته‌ی ساڵی 2001، كه‌ له‌ یاریی كۆتای سووپه‌ری ئه‌وروپی به‌یه‌كه‌وه‌ یارییان كردوو لیڤه‌رپوول (3-2) براوه‌بوو، هه‌ركاتێك لیڤه‌رپوول له‌ ئه‌ڵمانییه‌كانی بردبێته‌وه‌، گه‌یشتۆته‌ یاریی كۆتایی، چامپیۆنزلیگی  (2004 -2005) خولی ئه‌وروپی (2015 -2016) چامپینزلیگی (2017 -2018).

Tags

بابه‌تی هاوشێوه‌

Back to top button
Close