له‌ كۆتایدا پیكێ توانی یانه‌یه‌كی تۆپی پێ بكڕێته‌وه‌

ئه‌مرۆ به‌یانی سه‌رچاوه‌ هه‌واڵه‌كانی ئیسپانیا بڵاویان كردۆته‌وه‌ یاریزان جیرارد پیكێ توانی كاری كرینی یانه‌ی ئێف سی ئه‌ندۆرای كه‌ته‌لۆنی ته‌واو بكات به‌ فه‌رمی ببێته‌ خاوه‌نی ئه‌و یانه‌یه‌ هه‌ر به‌ هۆی ئه‌م هۆكاره‌وه‌ ئه‌مرۆ به‌یانی مه‌شقه‌كانی له‌گه‌ڵ بارسێلۆنا ئه‌نجام نه‌داوه‌

رۆژنامه‌ی ماركا له‌ ژماره‌ی ئه‌مرۆی بڵاوی كردۆته‌وه‌ گروپی كرۆمۆز بۆ وه‌به‌رهێنان كه‌ خاوه‌نه‌كه‌ی جیرارد پیكێیه‌ بووه‌ته‌ خاوه‌نی یانه‌ی ئه‌ندۆرای كه‌ته‌لۆنی، له‌ چه‌ند رۆژی داهاتووش به‌ فه‌رمی ناوی راهه‌نه‌ری نوێی یانه‌كه‌ راده‌گه‌یه‌نن

پیكێ له‌ مانگی رابردوو له‌ لێدواێكی بۆ رۆژنامه‌ی، لیكیپ، ی فره‌نسی رایگه‌یاندبوو كه‌وا حه‌ز ده‌كات له‌ داهاتوو ببێته‌ خاوه‌نی یانه‌یه‌كی تۆپی پێ، دواجار توانی ئه‌و خه‌ونه‌ی بێنێته‌دی ببێته‌ خاوه‌نی یانه‌یه‌كی تۆپی پێ بۆ ئه‌وه‌ی دووباره‌ یانه‌كه‌ بگه‌ڕێنێته‌وه‌ به‌شداری كردنی خوله‌ فه‌رمیه‌كان

یانه‌ی ئه‌ندۆرا له‌ ساڵی 1942 دامزراوه‌، له‌ ئێستادا له‌ خولی كه‌ته‌لۆنیا یاریی ده‌كات له‌ كۆمه‌ڵه‌ی دووه‌مه‌ به‌ 17 خاڵ له‌ پله‌ی 11 ڕیزبه‌ندی دێت، به‌شداره‌ له‌ جامی شای ئیسپانیا، خاوه‌نی یانه‌یه‌كی تیپی فوتساڵه‌

ئه‌ندۆرا خاوه‌ن ناسناوێكی جامی كه‌ته‌لۆنیایه‌ له‌ ساڵی 1994, دوای ئه‌وه‌ی له‌ پێش كۆتایی له‌ بارسێلۆنای برده‌وه‌ له‌ یاریی كۆتاییش له‌ ئیسپانیۆلی برده‌وه‌

Show More

بابه‌تی هاوشێوه‌

Back to top button
Close