ڕۆجەر فێدرێر دەربارەی کاتی وازهێنانی لێدوانی دا
یاریگا- لەمیانەی یاریەکانی پاڵەوانێتی شتوتگارت بۆ تێنسی سەرزەوی ڕۆجێر فێدرەر توانی زۆر بە زەحمەت لە مێشا زڤێریڤ بباتەوە و خۆی بگەیەنێتە قۆناغی داهاتوو .
دوای تەواوبوونی یاریەکە فێدرەر لە کۆنگرەیەکی ڕۆژنامەوانیدا قسەی کرد و وتی : گرنگترین شت پێش هەموو شتێك چێژ وەرگرتنە لە تێنس و هەستی بردنەوە و چێژ بەخشینە بە هاندەران .من بۆ خۆم و تیمەکەم سەلماندم کە دەتوانم نازناوی تر بەدەست بهێنم یان پارێزگاری لێبکەم .
دەربارەی گەڕانەوەی بۆ ڕیزبەندی یەکەم ڕۆجێر ووتی : بێگومان شتێکی زۆر نایاب دەبێت کە دووبارە بگەڕێمەوە ڕیزبەندی یەکەم و پێشەنگی یاریزانەکان بگرم .
هەروەها دەربارەی کاتی وازهێنانی ووتی : بێگومان کۆتایی ژیانی پیشەگەریم لە ئێستادا لە هەموو کاتێکی تر نزیكتر بۆتەوە بەڵام لەڕاستیدا نازانم کەی کۆتایی پێدێت .