مانچێسته‌ر یونایتد X چێڵسی … ئاماره‌كانی پێش یاریه‌كه‌

یاریگا – ئه‌مڕۆ كاتژمێر (5:05) خوله‌كی عه‌سر بە كاتی هەرێمی كوردستان، لە گه‌ڕی بیست و هه‌شته‌می خولی نایابی ئینگلته‌رادا، یانەی مانچێسته‌ر یونایتد لە نێو یاریگای (ئۆڵد ترافۆرد)ی تایبه‌ت به‌ خۆی، میوانداری یانه‌ی چێڵسی دەكات، ئێمەش لە ماڵپەڕی یاریگانێت گرنگترین ئامارەكانی هەردوو تیپه‌كه‌ پێش ڕوبەڕوبونەوەكەیان بڵاودەكەینەوە:

1- دوایین (14) ڕوبه‌ڕوبونه‌وه‌ی نێوانیان له‌ سه‌رجه‌م پاڵه‌وانێتیه‌ فه‌رمیه‌كاندا، مان یونایتد 1 یاری بردۆته‌وه‌ و چێڵسیش 8 یاری، له‌ 5 یاریشدا یه‌كسان بوون.

2-مان یونایتد 18 یاری له‌ به‌رانبه‌ر چێڵسی دۆڕاندووه‌، زیاتر له‌ به‌رانبه‌ر هه‌ر یانه‌یه‌كی تری به‌شداربووی پریمه‌رلیگ.

3- ئه‌نتۆنیۆ كۆنتی و جۆزێ مۆرینیۆ 4 جار ڕوبه‌ڕوی یه‌كدی بونه‌ته‌وه‌ له‌ سه‌رجه‌م پاڵه‌وانێتیه‌كاندا، كۆنتی 3 یاری بردۆته‌وه‌ و مۆرینیۆش 1 یاری.

4- جۆزێ مۆرینیۆ وه‌ك ڕاهێنه‌ری مان یونایتد، 32 یاری له‌ نێو یاریگای (ئۆڵد ترافۆرد) له‌ پریمه‌رلیگ ئه‌نجامداوه‌، 18 یاری بردۆته‌وه‌ و 2 یاریشی دۆڕاندووه‌، له‌ 12 یاریشدا یه‌كسان بووه‌.

5-رۆمیلۆ لۆكاكۆی هێرشبه‌ری مان یونایتد له‌ دوایین 6 یاری به‌رانبه‌ر 6 یانه‌ به‌هێزه‌كه‌ی پریمه‌رلگدا، هیچ گۆڵێكی تۆمار نه‌كردووه‌.

6- چێڵسی له‌ دوایین 4 یاری به‌رانبه‌ر مان یونایتد له‌ یاریگای (ئۆڵد ترافۆرد) له‌ خولی نایابی ئینگلیزیدا، ته‌نها 1 گۆڵی تۆماركردووه‌، ئه‌ویش له‌ رێگه‌ی دیدیه‌ درۆگبا بوو له‌ مانگی (10)ی ساڵی (2014)دا.

7- مان یونایتد به‌ ڕاهێنه‌رایه‌تی جۆزێ مۆرینیۆ له‌ به‌رانبه‌ر 6 یانه‌ به‌هێزه‌كه‌ی پریمه‌رلیگدا، 16 یاری ئه‌نجام داوه‌، 4 یاری بردۆته‌وه‌ و 7 یاریشی دۆڕاندووه‌، له‌ 5 یاریشدا یه‌كسان بووه‌. 12 گۆڵی تۆماركردووه‌ و 18 گۆڵیشی لێ تۆماركراوه‌.

8- پیدرۆ رۆدریگیزی ئیسپانی له‌ به‌رانبه‌ر ئه‌و یانانه‌ی جۆزێ مۆرینیۆ ڕاهێنه‌رایه‌تی كردوون له‌ سه‌رجه‌م پاڵه‌وانێتیه‌ فه‌رمیه‌كاندا، 7 گۆڵی تۆماركردووه‌.

9- ئێستا مان یونایتد به‌ كۆكردنه‌وه‌ی 56 خاڵ، له‌ پله‌ی سێیه‌می ریزبه‌ندی پریمه‌رلیگدایه‌، گۆڵكاری تیپه‌كه‌ش رۆمیلۆ لۆكاكۆیه‌ به‌ تۆماركردنی 12 گۆڵ.

10- ئێستا چێڵسی به‌ كۆكردنه‌وه‌ی 53 خاڵ، له‌ پله‌ی چواره‌می ریزبه‌ندی پریمه‌رلیگدایه‌، گۆڵكاری تیپه‌كه‌ش ئیدین هازارده‌ به‌ تۆماركردنی 11 گۆڵ.

Tags
Show More

بابه‌تی هاوشێوه‌

Back to top button
Close