ئارسيناڵ X چێڵسی … ئاماره‌كانی پێش یاریه‌كه‌

یاریگا – ئه‌مڕۆ كاتژمێر (11)ی شه‌و بە كاتی هەرێمی كوردستان، لە دووه‌مین یاری گه‌ڕانه‌وه‌ی قۆناغی نیوه‌ی كۆتایی جامی رابیته‌ی پیشه‌گه‌ره‌كانی ئینگلته‌رادا، یانەی ئارسیناڵ لە نێو یاریگای (ئیمارات)ی تایبه‌ت به‌ خۆی، میوانداری یانه‌ی چێڵسی دەكات، ئێمەش لە ماڵپەڕی یاریگانێت گرنگترین ئامارەكانی هەردوو تیپه‌كه‌ پێش ڕوبەڕوبونەوەكەی ئەمشه‌ویان بڵاودەكەینەوە:-

1- دوایین 6 ڕوبه‌ڕوبونه‌وه‌ی نێوانیان له‌ جامی رابیته‌ی پیشه‌گه‌ره‌كانی ئینگلته‌رادا، چێڵسی 4 یاری بردۆته‌وه‌ و ئارسیناڵیش 1 یاری، له‌ 1 یاریشدا یه‌كسان بوون.

2- چێڵسی له‌ 5 یاری له‌ سه‌رجه‌م پاڵه‌وانێتیه‌كانی ئه‌م وه‌رزه‌دا، نه‌یتوانیوه‌ گۆڵ تۆماربكات، 2 یاریان له‌ به‌رانبه‌ر ئارسیناڵدا بووه‌.

3- چێڵسی 3 جار توانیویه‌تی بۆ یاری كۆتایی جامی رابیته‌ی پیشه‌گه‌ره‌كانی ئینگلته‌را سه‌ربكه‌وێت، له‌و كاته‌ی یاری چوونی قۆناغی نیوه‌ی كۆتایی یه‌كسان بووبێت.

4- له‌ به‌رانبه‌ردا ئارسیناڵ 1 جار توانیویه‌تی بۆ یاری كۆتایی جامی رابیته‌ی پیشه‌گه‌ره‌كانی ئینگلته‌را سه‌ربكه‌وێت، له‌و كاته‌ی یاری چوونی قۆناغی نیوه‌ی كۆتایی یه‌كسان بووبێت.

5- چێڵسی و مانچێسته‌ر یونایتد زۆرترین یاریان له‌ نێو یاریگای (ئیمارات) له‌ ئارسیناڵ بردۆته‌وه‌ له‌ سه‌رجه‌م پاڵه‌وانێتیه‌ فه‌رمیه‌كاندا، كه‌ (5) بردنه‌وه‌یه‌.

6- له‌ دوایین 7 یاری نێوان ئارسیناڵ و چێڵسی له‌ سه‌رجه‌م پاڵه‌وانێتیه‌ فه‌رمیه‌كاندا، 6 كارتی سوور به‌كارهێنراوه‌.

7- ئارسن ڤینگه‌ر وه‌ك ڕاهێنه‌ری ئارسیناڵ زۆرترین جار ڕوبه‌ڕوی چێڵسی بۆته‌وه‌ به‌ به‌راورد به‌ یانه‌كانی تر، كه‌ 61 یاریه‌ له‌ سه‌رجه‌م پاڵه‌وانێتیه‌كاندا، 22 یاری بردۆته‌وه‌ و 21 یاریشی دۆراندووه‌، له‌ 16 یاریشدا یه‌كسان بووه‌.

8- سیسك فابریگاس به‌ درێسی یانه‌ی ئارسیناڵ (19) گۆڵی له‌ نێو یاریگای (ئیمارات) تۆماركردووه‌، به‌ڵام وه‌ك یاریزانی چێڵسی هیچ گۆڵێكی له‌و یاریگایه‌دا تۆمارنه‌كردووه‌.

9- ئه‌م یاریه‌ی ئه‌مشه‌ویان، 7 ڕوبه‌ڕوبونه‌وه‌ی نێوان ئارسن ڤینگه‌ر و ئه‌نتۆیۆ كۆنییه‌ له‌ سه‌رجه‌م پاڵه‌وانێتیه‌ فه‌رمیه‌كاندا، ڤینگه‌ر 2 یاری بردۆته‌وه‌ و كۆنتیش 1 یاری، له‌ 3 یاریشدا یه‌كسان بوون.

10- گۆڵكاری پاڵه‌وانێتیه‌كه‌ یاریزانان (خورخی زاپاران و جۆش مۆرفی و ئیسلام سلێمانی)ن كه‌ هه‌ریه‌كه‌یان 4 گۆڵیان تۆماركردووه‌.

Tags
Show More

بابه‌تی هاوشێوه‌

2 Comments

  1. An attention-grabbing discussion is worth comment. I feel that you should write more on this topic, it won’t be a taboo topic but usually persons are not sufficient to speak on such topics. To the next. Cheers

وەڵامێک بنووسە

پۆستی ئەلکترۆنیکەت بڵاو ناکرێتەوە .

Back to top button
Close