لیڤه‌رپوول X مانچێسته‌ر سیتی … ئاماره‌كانی پێش یاریه‌كه‌

یاریگا – ئه‌مڕۆ كاتژمێر (7)ی ئێواره‌ بە كاتی هەرێمی كوردستان، لە گه‌ڕی بیست و سێ یه‌می خولی نایابی ئینگلته‌رادا، یانەی لیڤه‌رپوول لە نێو یاریگای (ئه‌نفێڵد رۆد)ی تایبه‌ت به‌ خۆی، میوانداری یانەی مانچێسته‌ر سیتی دەكات، ئێمەش لە ماڵپەڕی یاریگانێت گرنگترین ئامارەكانی هەردوو تیپه‌كه‌ پێش ڕوبەڕوبونەوەكەیان بڵاودەكەینەوە:-

1- لیڤه‌رپوول له‌ دوایین 14 یاری نێو یاریگای خۆی له‌ به‌رانبه‌ر مانچێسته‌ر سیتی له‌ خولی نایابی ئینگلیزیدا، هیچ یاریه‌كی نه‌دۆراندووه‌، 10 یاری بردۆته‌وه‌ و له‌ 4 یاریشدا یه‌كسان بووه‌.

2- مان سیتی یاری چوونی ئه‌م وه‌رزه‌ی به‌ ئه‌نجامی (5-0) له‌ لیڤه‌رپوول برده‌وه‌، به‌ڵام ئه‌وه‌ (80) ساڵه‌ نه‌یتوانیوه‌ هه‌ردوو یاری چوون و گه‌ڕانه‌وه‌ی یه‌ك وه‌رز له‌ لیڤه‌رپوول بباته‌وه‌ له‌ خولی ئینگلیزیدا.

3- لیڤه‌رپوول له‌ دوایین 13 یاری نێو یاریگای خۆی له‌ پریمه‌رلیگدا، ته‌نها 3 گۆڵی لێ تۆماركراوه‌، هیچ یاریه‌كیشی نه‌دۆراندووه‌، 7 یاری بردۆته‌وه‌ و له‌ 6 یاریشدا یه‌كسان بووه‌.

4- مان سیتی له‌دوایین 30 یاری له‌ پریمه‌رلیگدا نه‌دۆراوه‌، ته‌نها یانه‌كانی ئارسیناڵ (49) یاری بێ دۆڕان و چێڵسی (40) یاری بێ دۆران، له‌ پێشه‌وه‌ی دێن.

5- لیڤه‌رپوول دوایین 3 یاری ئه‌م وه‌رزه‌ی خولی نایابی بردۆته‌وه‌، به‌ڵام زیاتر له‌ ساڵێكه‌ نه‌یتوانیوه‌ 4 یاری له‌سه‌ریه‌ك له‌ خوله‌كه‌ بباته‌وه‌.

6- مان سیتی خاوه‌نی ژماره‌ی پێوانه‌یی بردنه‌وه‌یه‌ له‌ یاریه‌كانی ده‌ره‌وه‌ی یاریگای خۆی له‌م وه‌رزه‌ی پریمه‌رلیگدا، به‌ ڕێژه‌ی 91% یاریه‌كانی بردۆته‌وه‌.

7- یۆرگن كلۆپ توانیویه‌تی 4 یاری له‌ گواردیۆلا بباته‌وه‌ له‌ سه‌رجه‌م پاڵه‌وانێتیه‌كاندا، كه‌ به‌ یه‌كسانی له‌گه‌ڵ جۆزێ مۆرینهۆ، زۆرترین یاریان له‌ ڕاهینه‌ره‌ ئیسپانیه‌كه‌ بردۆته‌وه‌ به‌ به‌راورد به‌ ڕاهێنه‌ره‌كانی تر.

8- له‌م یاریزانانه‌ی ئێستای مان سیتی، سێرجیۆ ئه‌گوێرۆ زۆرترین گۆڵی له‌ لیڤه‌رپوول تۆماركردووه‌ له‌ خولی نایابدا، ئه‌ویش به‌ تۆماركردنی 6 گۆڵ له‌ 11 یاریدا.

9- له‌و كاته‌ی یۆرگن كلۆپ بووه‌ به‌ ڕاهێنه‌ری لیڤه‌رپووڵ له‌ مانگی (10)ی ساڵی (2015)، لیڤه‌رپووڵ زۆرترین یاری له‌ 6 یانه‌ به‌هێزه‌كه‌ی پریمه‌رلیگی برۆدۆته‌وه‌، 39 خاڵی به‌ده‌ست هێناوه‌.

10- موحه‌مه‌د سه‌ڵاح له‌ 22 یاری سه‌ره‌تای له‌گه‌ڵ لیڤه‌رپوول له‌ خولی نایابدا، به‌شداری 22 گۆڵی كردووه‌، 17 گۆڵی تۆماركردووه‌ و 5 گۆڵیشی درووست كردووه‌.

11- ئێستا لیڤه‌رپوول به‌ كۆكردنه‌وه‌ی 44 خاڵ، له‌ پله‌ی چواره‌می ریزبه‌ندی پریمه‌رلیگدایه‌، گۆڵكاری تیپه‌كه‌ش موحه‌مه‌د سه‌ڵاحه‌ به‌ تۆماركردنی 17 گۆڵ.

12- ئێستا مان سیتی به‌ كۆكردنه‌وه‌ی 62 خاڵ، له‌ پله‌ی یه‌كه‌می ریزبه‌ندی پریمه‌رلیگدایه‌، گۆڵكاری تیپه‌كه‌ش ره‌حیم سیترلینگه‌ به‌ تۆماركردنی 14 گۆڵ.

 

Tags
Show More

بابه‌تی هاوشێوه‌

وەڵامێک بنووسە

پۆستی ئەلکترۆنیکەت بڵاو ناکرێتەوە .

Back to top button
Close