مـانـچـێـسته‌ر سیتی X ساوسهامتون … ئاماره‌كانی پێش یاریه‌كه‌

یاریگا – ئه‌مڕۆ كاتژمێر (11)  شه‌و بە كاتی هەرێمی كوردستان، لە گه‌ڕی چوارده‌یه‌می خولی نایابی ئینگلته‌رادا، یانەی مانچێسته‌ر سیتی لە نێو یاریگای (ئیتیحاد)ی تایبه‌ت به‌ خۆی، میوانداری یانەی ساوسهامتون دەكات، ئێمەش لە ماڵپەڕی یاریگانێت گرنگترین ئامارەكانی هەردوو تیپه‌كه‌ پێش ڕوبەڕوبونەوەكەی ئەمشه‌ویان بڵاودەكەینەوە:-

1- دوایین 10 ڕوبه‌ڕوبه‌ڕوبونه‌وه‌ی نێوانیان له‌ سه‌رجه‌م پاڵه‌وانێتیه‌كاندا، مان سیتی 6 بردنه‌وه‌، ساوسهامتون 3 بردنه‌وه‌، له‌گه‌ڵ 1 یه‌كسان بوونێك.

2- مان سیتی له‌ دوایین 7 یاری له‌گه‌ڵ ساوسهامتون له‌ سه‌رجه‌م پاڵه‌وانێتیه‌كاندا، هیچ یاریه‌كی نه‌دۆراندووه‌، 6 یاری بردۆته‌وه‌ و له‌ 1 یاریشدا یه‌كسان بووه‌.

3- ساوسهامتون له‌ دوایین 3 یاری ده‌ره‌وه‌ی یاریگای خۆی له‌م وه‌رزه‌ی خولی نایابی ئینگلیزیدا، هیچ یاریه‌كی نه‌بردۆته‌وه‌، 1 یاری دۆراندووه‌ و له‌ 2 یاریشدا یه‌كسان بووه‌.

4- مان سیتی پاش تێپه‌ڕبوونی 13 هه‌فته، 37 خاڵی له‌م وه‌رزه‌ی پریمه‌رلیگدا كۆكردۆته‌وه‌، ئه‌مه‌ش ژماره‌یه‌كی پێوانه‌ییه‌ و پێشتر هیچ یانه‌یه‌ك نه‌یتوانیوه‌ 37 خاڵ له‌ 13 هه‌فته‌دا به‌ده‌ست بهێنێت.

5- هێڵی به‌رگری ساوسهامتون له‌ دوایین 4 یاریدا، 6 گۆڵی لێ تۆماركراوه‌، له‌ به‌رامبه‌ردا هێڵی به‌رگری مان سیتی 4 گۆڵی لێ تۆماركراوه‌.

6- مان سیتی له‌ نێو یاریگای خۆی له‌م وه‌رزه‌ی پریمه‌رلیگدا، 25 گۆڵی تۆماركردووه‌، ئه‌مه‌ش دوو هێنده‌ی گۆڵه‌كانی وه‌رزی ڕابردووی تیپه‌كه‌یه‌ له‌ هه‌مان هه‌فته‌دا.

7- پاش تێپه‌ڕبوونی 13 هه‌فته‌ له‌م وه‌رزه‌ی خولی نایابدا، یاریزانانی مان سیتی 42 گۆڵیان تۆماركردووه‌، له‌ به‌رامبه‌ردا یاریزانانی ساوسهامتون 13 گۆڵیان تۆماركردووه‌.

8- شانیل لۆنگی ئایرله‌ندی و هێرشبه‌ری ساوسهامتون، 4 گۆڵی له‌ مان سیتی له‌ پریمه‌رلیگدا تۆماركردووه‌.

9- سێرجیۆ ئه‌گوێرۆی ئه‌رجه‌نتینی له‌ دوایین 6 یاری له‌گه‌ڵ مان سیتی له‌ خولی نایابدا، به‌شداری 11 گۆڵی كردووه‌، 8 گۆڵی تۆماركردووه‌ و 3 گۆڵیشی دروست كردووه‌.

10- ره‌حیم سیترلینگ له‌ كۆی 18 یاری ئه‌م وه‌رزه‌ی له‌گه‌ڵ مان سیتی له‌ سه‌رجه‌م پاڵه‌وانێتیه‌كاندا، 12 گۆڵی تۆماركردووه‌، ئه‌مه‌ش ژماره‌یه‌كی پێوانه‌یی نوێیه‌ بۆ یاریزانێكی ئینگلیزی له‌ یه‌ك وه‌رزدا.

11- ئێستا مان سیتی به‌ كۆكردنه‌وه‌ی 37 خاڵ، له‌ پله‌ی یه‌كه‌می ریزبه‌ندی پریمه‌رلیگدایه‌، گۆڵكاری تیپه‌كه‌ش سێرجیۆ ئه‌گوێرۆیه‌ به‌ تۆماركردنی 9 گۆڵ.

12- ئێستا ساوسهامتون به‌ كۆكردنه‌وه‌ی 15 خاڵ، له‌ پله‌ی یازده‌یه‌می ریزبه‌ندی پریمه‌رلیگدایه‌، گۆڵكاری تیپه‌كه‌ش چارلی ئۆستنه‌ به‌ تۆماركردنی 3 گۆڵ.

سه‌رچاوه‌: ماڵپه‌ڕی www.arabic.sport360.com

Tags
Show More

بابه‌تی هاوشێوه‌

وەڵامێک بنووسە

پۆستی ئەلکترۆنیکەت بڵاو ناکرێتەوە .

Back to top button
Close